Пополнете ја формата доколку сакате да бидете дел од следното издание на конференцијата за е-трговија и некој од нашиот тим ќе ве контактира со повеќе информации.

Г-дин Манчевски има повеќе од десет годишно работно искуство во областа на ИКТ, како менаџер и извршен директор на неколку компании. Помеѓу 2005 и 2006 година работел и како инженер за радиофреквенции во Агенцијата за електронски комуникации (АЕК).

Беше избран за пратеник во Собранието на Република Македонија на Парламентарните избори во декември 2016 година.

Неговата визија како министер за информатичко општество и администрација е да работи заедно со ИКТ компаниите кон креирање на иновативни решенија за зајакнување на ефикасноста на политиките и воведување на нови технолошки процеси за зајакнување на продуктивноста, издигнувајќи ја Македонија како пример за земјите од регионот во однос на дигиталната транформација. Заедно со неговиот тим, г-дин Манчевски ќе работи на создавање отчетна и транспарентна јавна администрација која работи во служба на граѓаните, преку ре-воспоставување на системот на заслуги и зајакнување на програмите за стручно оспособување на службениците. Реформата на јавната администрација (РЈА) ќе биде спроведувана во отворен, консултативен процес со граѓанското општество, со синдикатите, коморите и други релевантни чинители.

Г-дин Манчевски има диплома од Електротехничкиот факултет при Универзитетот „Св. Кирил и Методиј“ во Скопје на студиската програма Електротехника и телекомуникации. Во 2009 е Чивниг стипендист на Универзитетот Бирмингем во Обединетото Кралство, стекнувајќи се со сертификат на постдипломските студии. Во 2003 година учествувал во програмата на Стејт Департментот на САД „Млади Европски лидери и политиките на САД за актуелните политички, економски и социјални прашања“, додека пак од 2003 до 2004 година учествувал во „Школа за идни политичари“ во организација на Фондациите Фридрих Еберт и Алфред Мозер. Течно зборува англиски и српски/хрватски јазик.

Полн со енергија, одличен решавач на проблеми предводен од предизвикот да го постигне невозможното, Denis зад себе има успешна кариера во продажба која кулминираше во основањето на Kuponko.si - еден од водечките е-трговци во Словенија.

После 15 успешни години исполнети со напредок и иновација, тој се реши да се соочи со проблемот на стари и неефективни методи на нарачки во е-комерцот. Со добро око за детаљи и фокус на веб решенија, Denis секогаш ги идентификува проблемите кои делуваат нерешливи и ги претвора во успешни бизниси.

Својот успех го базира на силно лидерство, одлични преговарачки способности и добро познавање на човечката природа.

По неколку-годишно работно искуство во Македонија оди на постдипломски студии на Imperial College London. Во меѓувреме работи како freelancer на неколку независни ecommerce проекти. По завршувањето на студиите решава да се врати во Македонија и да го започне проектот Paket.mk. Во јануари 2018 го лансира Paket.mk.

Нина Ангеловска e извршен директор и ко-основач на првиот македонски веб сајт за групни попусти, Grouper.mk, кој предизвика револуција во онлајн купувањето и стана лидер на пазарот на е-трговијата. Дипломира како најдобар студент на генерацијата на Економскиот факултет - Скопје, на департманот по Е-бизнис. Победува на натпреварот за најиновативен бизнис план организиран од NCDiel во 2010 година и добива парична награда со која го започнува бизнисот. Нина верува во моќната синергија помеѓу теоријата и праксата и се стреми со стекнатото практично знаење да придонесе кон науката. Магистрира во 2012 година, а веќе во 2016 станува Доктор на науки.

Нина Ангеловска се наоѓа на листата на 100 успешни жени основачи на стартапи во Европа (100 Female Founders Europe), што ја состави еминентниот германски магазин The Hundert, а потоа ја сподели и Forbes.

Со нејзиното петгодишно искуство во менaџирање на најголемиот сајт за е-трговија и успешната претприемачка приказна, Нина е говорник и предавач на бројни настани, конференции и тренинзи, а од неодамна и ментор на неколку академии.

Дамјан е ко-основач и партнер на IWM Network, ИКТ компанија основана во 2008 год. со едноставна идеја да им помогне на компаниите подобро да го разберат променливиот дигитален свет и да ги искористат неговите предности на паметен начин. Во последните 10 години, Дамјан работеше на развој на IWM Network под модел на дигитална холдинг компанија која во своето портфолио на бизниси вклучува повеќе брендови, компании и стратешки партнерства. Листата на неговите стручности вклучува: дигитална бизнис трансформација, веб дизајн и развој, е-трговија, развој и консалтинг за blockchain, дигитален маркетинг, ИТ безбедност... Дамјан има повеќе од 15 годишно искуство во ИКТ секторот и има гостувано како говорник, панелист и предавач на повеќе настани кои го покриваат дигиталниот и бизнис сектор.

Дамјан е во Извршниот одбор на членови на ИАБ Македонија, и е ко-основач и извршен уредник на првиот портал за технологија во Македонија, IT.mk.Пред основањето на IWM Network, Дамјан ја основа првата компанија за интернет безбедност во Македонија, Net Security Solutions, и работи како консултант за дигитална маркетинг агенција базирана во Њујорк со портфолио на клиенти како Lufthansa, DirectTV, Avec Eric, Anomaly и тим распространет на 3 континенти.

Сашко Коцев на конференција за е-трговија?? Има доста добра причина зад таа одлука...

Vanya Manova е одговорна за развој и имплементација на локалната бизнис стратегија на Mastercard. Со својата улога, Vanya овозможува иновација на двата пазари, поврзани со новите технички решенија и експанзација на Mastercard и нивниот раст во полето на електронското плаќање, и ги зајакнува соработките и партнерствата со клучните клиенти, владини институции и јавниот сектор.

Со 20 години искуство во банкарскиот сектор, Vanya Manova се приклучи на бугарскиот тим на Mastercard во 2008 како акаунт менаџер. Во наредните неколку години, таа ги предводеше операциите фокусирани на локални бизниси и поомгна во позиционирање на Mastercard како клучен партнер и за крајните потрошувачи и не-традиционалните партнери како локални владини институции и регулативни тела. Таа го предводеше лансирањето на бесконтактните плаќања во Бугарија и Македонија правејќи го Mastercard ултимативен лидер во полето на бесконтактно плаќање.

Никола Љушев е Главен извршен директор на Македонски Телеком. Има повеќе од 20-годишно искуство во телекомуникациската индустрија на највисоки раководни позиции во Дојче Телеком Групацијата и во Телеком Австрија Групацијата.

Беше Главен извршен директор на Вип оператор, а подоцна и  извршен директор на oне.Вип по спојувањето на компаниите Вип и Оне. Се приклучува на Дојче Телеком Групацијата како Главен извршен директор на Црногорски Телеком.

Престижниот магазин Global Telecom Business – Лондон два пати го има избрано за еден од четириесетте најдобри извршни директори под 40-годишна возраст во телекомуникацискиот сегмент во светски рамки.

Даниела дипломирала претприемништво на Gea College, Љубљана, Словенија и магистрирала мода и луксузен менаџмент на Универзитетот СКЕМА во Франција.

Нејзиното работно искуство започнало како практикант во фирма за организирање на настани, каде што работела како проект менаџер за односи со јавноста и за маркетинг настани. Потоа започнала да работи како бизнис фокус истражувач за Етичкиот моден форум во Лондон. Даниела го основала Bastet Noir пред 5 години со идеја да промовира и продава производи од македонски модни дизајнери надвор од границите на Македонија. Овој концепт не успеал, па затоа пред две години одлучила да го претвори Bastet Noir во моден бренд кој ќе прави облеки по нарачка и ќе ги продава на интернет. Ова се покажало како неверојатен успех. Повеќе од 500 парчиња се имаат продадено низ целиот свет минатата година, а повеќе од 600 интернет-продавници ги носат колекциите на Bastet Noir. Во истиот период, Даниела, исто така, го има основано Coffice, првиот центар за заедничко работење во Македонија.

Покрај ова, Даниела е раскажувач, заљубеник во модата, неизлечлив сонувач и неуморен претприемач во срцето.

Д-р Љупчо Антовски е професор по софтверско инженерство на ФИНКИ во Скопје со 20 години искуство во областа на ИТ. Тој е ко-основач и член на одборот на iVote, компанија специјализирана, меѓу другото, во технологијата и работењето на електронската трговија.

Водечкиот бренд на iVote е KupiKniga.mk, онлајн книжарница со повеќе од 55,000 наслови понудени од мнозинство македонски, регионални и меѓународни издавачи, која им дистрибуира на купувачите ширум светот. KupiKniga.mk имплементира модел на нула-инвентар, оптимизирана дистрибуција и систем за препорачани производи.

Triin е новиот директор за владини работи на ЕМОТА, асоцијација која ги претставува националните здруженија за е-трговија во Брисел, вклучувајќи ја и Македонската асоцијација за електронска трговија.

Таа е задолжена за политичките и посредничките активности на ЕМОТА, кои вклучуваат законодавство на потрошувачите на Европската унија, меѓународна трговија, дигитална агенда, плаќања и други европски досиеја поврзани со онлајн-продажбата.

Triin има долгогодишно искуство во работите на Европската унија, како во приватниот, така и во јавниот сектор и има диплома за Правото на Европската Унија. Има и долгогодишно работно искуство во Европскиот парламент, како политички и правен советник на членовите на Европскиот парламент.

Triin е по потекло е од Естонија, има претприемачко срце и сака патувања и скијање.

Мислав Галер е извршен директор на Вип Македонија од декември 2017 година. Во 2006 година дипломирал економија на Колеџот за бизнис администрација "Balthazar Adam Krcelic" и бил дел од неколку извршни програми за образование, како што се INSEAD и Harvard Business School. Ја започнува својата долга, успешна кариера во јануари 2003 година како советник за продажба на Ауто Зубак за брендот Audi, преминувајќи на позиција Раководител на комерцијалниот сектор во Peugeot Хрватска во 2004 година.

Мислав се приклучува на Меркур Интернационал во 2006 година, на позицијата Директор на големопродажба. Во 2010 година ја продолжува својата кариера со Rewe Group Хрватска, каде што бил назначен за извршен директор во Bipa, а потоа и член на Одборот на директори на Bila.

Мислав му се придружува на тимот на Випнет во февруари 2012 година, на позоцијата шеф за продажба на деловни активности, додека во февруари 2015 година е назначен за директор за деловна продажба на Vipnet.

Во 2016 година тој е назначен за Главен извршен директор и член на тимот за лидерство, и раководи со повеќе одделенија.

Јован Деспотовски е дипломиран економист на Економскиот факултет при Универзитетот „Св. Кирил и Методиј“ и постдипломец по меѓународни односи и дипломатија на Универзитетот „Американ Колеџ“ – Скопје. Има богато искуство во областа на стратегиско планирање и координација на програмите за градење на капацитет финансирани од Владата на Р. Македонија и од странски донатори.

Како раководител на Сектор во Секретаријатот за европски прашања при Владата на Република Македонија учествувал во реализација на значајни проекти и тоа: реализација на Коридорот X, соработка со меѓународни финансиски институции, програмски координатор на Канцеларијата за национална помош, ја предводел работната група за составување на Прашалник на ЕК за апликација на Р.Македонија за членство во ЕУ од областа на економијата, со што Македонија добива статус на земја членка на ЕУ.

Тој е ко-оснoвач на МЕНСА.

Ајлин Шеали е магистер по менаџмент на информациски системи и има големо искуство во онлајн огласување, дигитални платформи и проектен менаџмент.

Ајлин верува дека за да се постигне одредена цел, потребни се три работи: добар план, упорност и посветеност. Ајлин е извршен менаџер на ведечкиот веб сајт за онлајн огласување во Македонија – Pazar3.mk. Целта на Пазар3 Бизнис моделот е да обезбеди лесно, ефективно и безбедно огласување. Преку Пазар3, физичките лица и компаниите од Македонија може да продаваат, купуваат и разменуваат предмети и услуги многу лесно. Целта на Пазар3 е постојано да го подобрува корисничкото искуство од онлајн огласувањето.

Yu-kai Chou е автор и меѓународен говорник за Гејмификација и бихејвиористички дизајн. Тој е креатор на „Octalysis Framework“, и автор на „Actionable Gamification: Beyond Points, Badges, and Leaderboards“. Моментално е претседател на Octalysis Group и основачот на Octalysis Prime, гејмифицирана платформа за менторство. Yu-kai е редовен говорник/предавач за гејмификација и мотивација во целиот свет, вклучувајќи предавања и во организации како Google, LEGO, Tesla, TEDx, Boston Consulting Group, Turkish Airline, Huawei, Универзитетот Стенфорд, владите на Велика Британија, Сингапур, Кралство Бахреин и многу други. Неговата работа влијаела на над 1 милијарда кориснички искуства низ целиот свет.

Yu-kai е еден од пионерите во гејмификацијата, почнувајќи ја својата работа во индустријата во 2003 година. Во 2015 година, Yu-kai бил рангиран број 1 меѓу "Gamification Gurus Power 100" од RISE, а исто така бил награден со "Gamification Guru of the Year" наградата во 2014, 2015 и 2017 година од страна на Светскиот конгрес за гемификација и Gamification Europe Conference. Тој им помогнал на различни компании, како што се LEGO, Uber, Volkswagen/Porsche, Sberbank, eBay, Fidelity Investments, AIG Japan, Verizon и многу повеќе. Неговата работа е објавена во Forbes, The Wall Street Journal, Business Insider,The World Journal, PBS, NBC и многу други.

Yu-kai исто така е CEO на блокчејн компанијата Decentral, и работи со ко-основачот на Ethereum, Ентони Ди Лорио за да создаде подобри блочејн искуства. Yu-kai е советник во бордот на многу организации и компании низ Северна Америка, Европа и Азија, вклучувајќи ја и HatchPad.co (платформа за финансирање за млади претприемачи), Capfields (ИТ компанија со седиште во Луксембург), DreamsCloud (најголемата компанија која собира соништа), Ongo (гејмифицирана веб платформа), BALANCE Edutainment (креатори на Pacha's Pjamas), Loki Studios (креаторите на Geomon), Clade (платформа за финансирање) и многу повеќе.

Златко Ветеровски, докторирал надворешна трговија. Во Царинска управа има 26 годишно искуство и извршува разни функции, началник на одделение за меѓународна соработка, началник на одделение за обуки, советник на Директорот и помошник директор на Сектор за царински систем. Широко познавање на царинското законодавство и царинската тарифа на ЕУ, на Светската царинска организација (СЦО) и Светската трговска организација (СТО).

Влатко Атанасоски е директор на Агенцијата за пошти, независно регулаторно тело во областа на поштенските услуги, на чие чело е десет години, односно од самото основање на Агенцијата. Г-динот Атанасоски е магистер по меѓународна економија.

Во својата професионална кариера бил и раководител на Секторот за Локален Економски Развој во Општина Прилеп и бил член на бордот на директори на Тутунскиот Комбинат од Прилеп. Претходно работел како раководител на одделот за микрокредитирање во повеќе македонски комерцијални банки.

Во рамките на поштенскиот сектор особен интерес му е доставата на пратки кои се предмет на електронска трговија, т.е. биле купени онлајн.

Негова е иницијативата за подигнување на прагот за бесцарински увоз на стоки за лична потрошувачка кои се предмет на меѓународна електронска трговија. На негова иницијатив,а во 2012 година во Скопје се одржа првата регионална конференција на поштенските регулатори од Балканот, која се одржува традиционално секоја година од тогаш.

Како Магистер од областа на економските науки со своето академско универзитетско искуство како асистент, со посебна специјалност на Банкарскиот Менаџмент и Маркетинг, се јавува како предавач на низа домашни и меѓународни семинари, разменувајќи ги научните искуства и истражувања со студентите и академскиот свет.

Во 2010 година станува дел од Халкбанк А.Д. Скопје во Дирекцијата за Население, директно инволвиран во креирањето на производствената политика на банката како и во процесот преземања и спојувања и пренесувањто на Know- How искуствата на главниот акционер. Од 2013, како раководител активно е вклучен во целокупниот технолошко – маркетиншки развој на Алтернативните Канали на Дистрибуција и платежните картички. Моментално ја следи продажбата и маркетингот на веќе имплементираната и добро препознатлива мрежа на ПОС терминали, иновациите во делот на електронското и мобилното банкарство, целокупниот картичен систем и мрежата на банкомати и активно ја подржува и придонесува за Е-трговијата на овој пазар.

Марија Томеска е Претседател на Управен одбор на Еуролинк осигурување АД Скопје. Марија дипломира економија и политика на Лондонски универзитет, Квин Мери Колеџ и магистрира на Лондонска школа за економија и политички науки, Лондон, Велика Британија со што стекнува академски степен Магистер по управување и регулирање со ризикот.

Својата кариера ја гради во ЕУРОЛИНК Осигурување АД Скопје започнувајќи од 2004 година преку различни позиции и од 2014 година е Претседател на Управниот одбор на Друштвото.

Член е во Управните одбор повеќе организации како што се: Националното биро за осигурување, Стопанска комора на Македонија – Турција и Стопанска комора на Македонија, пет години беше Потпретседател на Надзорен одбор во Еуростандард банка, а моментално е Потпретседател на МАТТО – Македонско – Турска Комора.

Марија силно верува и се залага за исполнување на мисијата на Еуролинк - да го подобри квалитетот на животот на сите што ги допира.

Марина веќе 12 години е дел од ДХЛ Експрес Македонија, каде во континуитет напредува во одделот за продажба и во моментов работи како супервизор на одделот задолжена за најголемите клиенти на ДХЛ, како и одговорна за развој на одделот на продажба во согласност со бизнис стратегијата, процесите и процедурите во рамките на DHL CISSEE регионот. За време на нејзиното работно искуство во ДХЛ, во неколку наврати беа препознаени нејзините резултати во продажбата на глобално ниво. Гo има добиено признаниeто Outstanding sales performer in DHL CISSEE и е вброена во таканаречениот DHL Sales Champions Club, односно топ 100 продажни лица на ДХЛ на глобално ниво.

ДХЛ Експрес Македонија е лидер на пазарот на експресната достава на пратки и логистика во Македонија, со пазарно учество во полето на курирскиот транспорт од 63%, обезбедувајќи им секојдневна поддршка на над 4000 компании и институции во земјава во нивната меѓународна комуникација.

Лидерската позиција на ДХЛ се должи на силната позиција на брендот, долгогодишното присуство на пазарот и високиот степен на квалитетна услуга и задоволство на клиентите. ДХЛ од самиот почеток е насочен кон иновации и воведување на нови технологии и нови услуги за своите корисници, како и корпоративна стратегија за одговорно бизнис делување.

По завршувањето на Економскиот факултет при УКИМ вo Скопје се стекнува со 2 годишно искуство во приватниот сектор во областа на трговијата. Кариерата во банкарскиот сектор ја започнува во 2003 година во Стопанска банка АД – Скопје придружувајќи се на тимот што во тој период ги креира основите на работењето со платежни картички во Македонија. Во текот на 15 годишната кариера во Стопанска банка работи на повеќе раководни позиции во областа на платежните картички и дигиталните банкраски канали, а во моментов е Директор на Секторот за картички и директно банкарство. Има дипломирано на Економскиот Факултет во Скопје, а во 2012 година завршува постдипломски студии стекнувајќи се со дипломата MBA Finance на Staffordshire University. Учествувал на голем број на меѓународни конференции и форуми од областа на банкарското работење а особено од областа на дигиталното банкарство и платежните сервиси наVISA и MasterCard, а на дел од нив и учествувал како говорник, панелист и презентатор.

Supratim Biswas во моментов е Главен директор за приходи на CleverTap.Тој е искусен дигитален лидер со две-децениско искуство во изградбата и скалирање на бизниси на мобилни и софтверски компании во Европа, Америка и APAC во вредност од $100 милиони долари. Претходно, Supratim бил претприемач и имал различни лидерски улоги, меѓу поклучните VP на продажба и маркетинг во Nuance Communication, VP - Europe во InfoSpace, SVP - бизнис девелопер во TIMWE и Продукт лидер во COGNOS (купен од страна на IBM). Во последната деценија, Supratim исто така е советник/ангел инвеститор и ментор за многу дигитални старт-апи во Велика Британија, Германија и Југоисточна Азија.

Дипломиран економист по Надворешна трговија на Економски факултет во Скопје со повеќегодишно искуство во маркетинг и онлајн продажба.

Во 2017 година се вработува во онлајн продавницата Platinavrata.mk каде директно е вклучен во промоцијата на социјалните мрежи, преку дизајн на креативи и водење на Facebook реклами. Активно работи на подобрување и интегрирање на останатите маркетинг стратегии со цел зголемување на степенот на конверзија со потрошувачите.

Нашата главна цел и мотивација во тековното работење е да се поттикне и олесни пристапот на сите корисници да можат ги користат предностите кои ги нуди онлајн трговијата.

Игор Величковски е Директор во одделот за платежни системи на Народна Банка на Република Македонија од 2013 година. Неговото претходно работно искуство е поврзано со имплементација на монетарните политики и менаџмент на девизни резерви. Има докторат во Монетарна економија и неговото истражување се фокусира на процеси за интегрирање на монетарни, тргувачки и, финансиски и платежни процеси. Има искуство и во неколку интернационални истражувачки проекти.

Вељан Поповски е експерт во сферите на развој на картичната продуктна и сервисна понуда како и менаџирање на деловните релации со корпоративни клиенти во врска со договарање на модели за оптимално користење на сервисната и продуктна палета на Банката за поддршка на продажните процеси.

Во НЛБ Банка тој е Раководител на Службата за централизирана продажба во рамки на Секторот за развој на понуда и маркетинг. Во својата професионална кариера бил одговорен / вклучен во серија проекти активности од картичната сфера во Банката меѓу кои развој на софистицирани бизнис модели за воведување на картички продукти, менаџирање на проекти за нивно воведување во продуктната палета на Банката, развој и менаџирање на програми на лојалност како и редица други активности.

Тој e магистер по економски науки во сферата на монетарна економија со професионално искуство во НЛБ Банка од 2003 година. Потребата за надградба на сопствениот лидерски и менаџерски стил го поттикнуваат да стане професионален коуч на престижната академија на Ериксон Интернационал.

Kiwi.com е сервис за пребарување на летови дизајниран со цел да се издвои од другите сервиси кои се занимаваат со истата дејност преку неговиот заштитен алгоритам. Kiwi.com комбинира летови од компании кои вообичаено не соработуваат во еден план за патување, нарекувајќи го процесот „виртуелно интерлинирање“. Овој процес, заедно со гаранцијата на Kiwi.com насочена кон намалување на фрустрациите поврзани со одложување на летови или нивно откажување, сервисот директно издава бординг карти.

Kiwi.com скоро има потпишано пионерски договор со Amadeus кој овозможува 750 милиони дополнителни комбинации на летови. Компанијата моментално има над 2000 вработени и бројот на глобални канцеларии постојано расте. Michaela верува дека иднината за оваа индустрија е комплетната персонализација на патувањата преку повеќе-модален транспорт со цел пружање подобра услуга на потрошувачот.

Пасијата на Michaela за создавање ја носи до различни проекти и компании. Таа добива енергија за луѓето и преку луѓето и сака постојано да добива инспирација. Ова ја носи до прекрасниот TEDx Прага тим со кој организира настани каде што „идеите кои се вредни за ширење“ се креираат и споделуваат. Michaela исто така сака изградба на сѐ, од мали бизниси до национални присуства на големи корпорации како Yelp. Исто, Michaela сака храна, скокови од авиони и патувања.

Д-р Анита Ангеловска-Бежоска стапи на функцијата гувернер на Народната банка на Република Македонија во мај 2018 година, со речиси дванаесетгодишно претходно работно искуство во институцијата, и тоа, најпрво како главен економист, а потоа, безмалку осум години како вицегувернер задолжен за областите монетарна политика, истражување и статистика, при што беше и заменик-гувернер на Република Македонија во Одборот на директори на Меѓународниот монетарен фонд (ММФ). Член е на Комитетот за централнобанкарска статистика „Ирвинг Фишер“ при Банката за меѓународни порамнувања во Базел. Пред да пристапи кон тимот на централната банка, таа има двегодишен работен ангажман во ММФ, во Вашингтон, САД, првенствено како економист во Одделот за макроекономски политики во европските земји, а краток период и во Одделот за фискални политики. Истовремено има и членувано во повеќе преговарачки мисии на ММФ за склучување аранжмани со земји членки. Од 2006 година наваму, како експерт, постојано е ангажирана во тимови на ММФ за обезбедување техничка помош за повеќе земји од Европа. Својата работна кариера ја има започнато како стручен соработник за финансискиот систем во Министерството за финансии, во кое на различни работни позиции минува осум години од својата работна кариера. Притоа, меѓу другото, најпрво како раководител на Проектот за воспоставување трезорски систем во Република Македонија, а потоа и како раководител на секторот Трезор при ова министерство, дава исклучително значаен придонес за спроведувањето клучни реформи во системот на јавни финансии во државата: воспоставувањето единствена трезорска сметка, воспоставувањето систем за редовни проекции на буџетската ликвидност и управувањето со ликвидноста, унапредувањето на буџетското сметководство, развојот на пазарот на државни хартии од вредност и унапредувањето на буџетското известување во согласност со меѓународните стандарди. Нејзиниот придонес за развојот на јавните финансии во нашата држава е валоризиран и со награда од Амбасадата на САД во Република Македонија, којашто ѝ е доделена во 2004 година. Во текот на 2003 и 2004 година е државен секретар во Министерството за финансии, при што е одговорна за: координирањето на активностите на сите сектори во рамки на Министерството, координирањето на процесите поврзани со европската интеграција, буџетските реформи и преговорите со меѓународните финансиски институции. Истовремено, во 2004 година е и раководител на тимот за подготовка за издавање на првиот кредитен рејтинг на Република Македонија. Автор е на повеќе стручни и научни трудови од областа на монетарната политика и макроекономската политика, воопшто, но и на трудови од областа на фискалната политика и управувањето со јавните финансии. Во текот на нејзината досегашна кариера, ангажирана е и како предавач на повеќе домашни и меѓународни образовни и научни институции. Својата докторска дисертација ја има одбрането во 2015 година, на Економскиот факултет во Љубљана, Република Словенија, на тема „Координација на монетарната и фискалната политика во Република Македонија.

Bogdan Bochenek со седиште во Варшава, Полска, има разновидно искуство во областите на ризикот, мониторингот на измами и широки познавања од областа на усогласеноста со законите, со оглед на долгогодишното работно искуство во повеќе банки и, во последните 16 години, во Mastercard.

Со своето интегрирано знаење за започнување и спроведување деловни активности и одговорност што кулминирала на нивото на висок раководител за работење со картички, кариерата на Bogdan вклучуваше управување со портфолијата на картичките за големи трговци од различни издавачи, стекнувачи и нивните даватели на услуги, грижејќи се за односите меѓу корисниците на картичките и трговците во врска со сите кредитни, дебитни, претплатни и комерцијални продукти.

Во рамките на Mastercard, Bogdan првично работеше за секторот за управување со технологија за време од 4+ години, нудејќи спроведување и оперативна поддршка што беа најдобри во својата класа во регионот. Во текот на следните 5+ години Bogdan работеше за регионалниот тим за Односи со клиентите, управувајќи со најголемите портфолија за издавање картички и стекнување трговци. Во последно време тој обезбедува експертиза за следење на усогласеноста на клиентите и спречување на измами за првокласни служби за поддршка на клиентите - вклучувајќи даватели на услуги за членовите - во 20 земји во регионот на ЦИЕ, каде што Bogdan им обезбедува упатства од најдобрите практики за справување со измами на и–давачите, стекнувачите, трговците и обработувачите.

Bogdan, исто така, предава на курсеви на Mastercard академијата – во рамки на стандардни и посебно приспособени конференции на локација, денови на измамата или форуми за справување со ризици.

Регионален директор за е-трговија за концепти во Sport Vision и Buzz Sneakers во Србија, Романија, Бугарија, Хрватска, Босна и Херцеговина, Македонија и Црна Гора, вклучувајќи и 3 дополнителни концепти во Србија - ExtraSports, Run'nmore и Tike - задолжена за нивно одржување и унапредување низ целиот дигитален екосистем. Со над 12 години професионално искуство во маркетинг на менаџерски позиции во компании како што се ComTrade и Delta Sports, Зорана активно се вклучува во е-трговијата како основач на CO Amsterdam во соработка со клиенти како Nike EMEA, AS Monaco, Telfort и Weborama. Таа е една од основачите на Асоцијацијата за е-трговија на Србија и агенцијата за консултантски услуги 8 SERVICES, која е официјален партнер на Sport Vision Group во нивната дигитална еволуција. Дипломирала на Економскиот факултет при Универзитетот Bocconi во Милано. Cotrugli EMBA кандидат.

Биљана Доновска Гечева е извршен директор и Претседател на Управен Одбор на Касис АД Скопје, на која функција стапува во ноември 2015 година, на што претходи неколкукратно извршување на функција на неизвршен член на орган на управување на друштвото. Својата 24 годишна кариера ја започнува по стекнување на дипломата од економскиот факултет при Универзитетот “Св. Кирил и Методиј“ во Скопје и тоа, најпрвин од областа на меѓународната трговија, извршувајќи раководна позиција во главната канцеларија на Балкан стил во Скопје и во Париз, Франција, а потоа и од областа на банкарството, извршувајќи функцијата Директор на сектори во Унибанка Скопје, од областа за работа со население. Паралелно со својата работна кариера го дооформува своето образование на последипломски студии од областа на менаџмент, членува во риск комитетите на некои од меѓународните картични органзиации, членува во Националниот Совет за платни системи во РМ и во неколку наврати е гостин предавач од областа на картичното работење на одредни факултетски институции во Скопје . Во текот на своето работно искуство во банкарството, прифаќа предизвици и успешно имплементира иновативни технологии, продукти и функционалности. Во ноември 2008 година, заедно со процесорот Касис, каде тековно ја извршува функцијата извршен директор, за прв пат од позиција на финасискиот сектор и во областа на платни трансакции во Република Македонија го лансира плаќање со картичка во е-трговија.

Игор Гешовски е Магистер на Економски науки и Банкарски менаџмент. Истакнат финансиски консултант на домашни и странски клиенти од областа на повеќе економски сфери. Од 2010 година е Медијатор. Активно учествува во стратегиско планирање,координација и реализација на програмите за привлекување на странски инвестиции во РМ, со особен придонес во областа на Медицината и Енергетиката. Експерт за логистика при Start Up бизниси. Сопственик на Интер-Конс ЛТД, Еко Логистик Сервис и др.компании во комeрцијалниот сектор. Eксперт во областа на едукација за употреба на канабисот во медицински цели, и Консултант на неколку компании меѓу кои и HAPA medical GMBH - Групација за медицински канабис во Европа.

Искра Тикваровска Казанџиевска има долгогодишно работно искуство во доменот на маркетингот. Во последниве 12 години, таа работела на координација и реализација на низа проекти од областа на комуникациите и општествената одговорност. Дел од проектите на кои што работела имаат домашни и меѓународни награди и признанија. Во ЕВН Македонија работи од 2007 година каде што меѓу другото била дел од развојот и промоцијата на онлајн услугите за корисниците на електрична енергија. Таа е дипломиран економист, дел од првата генерација студенти дипломци на катедрата за е-бизнис, а постдипломските студии од областа на менаџментот на е-бизнис ги завршила во рамки на партнерската образовна програма на Економскиот факултет во Скопје и Универзитетот Париз 1 Пантеон Сорбона.

М-р Ѓоко Танасоски е генерален директор на Царинска управа на Република Македонија. М-р Ѓоко Танасоски е дипломиран машински инженер на Машинскиот факултет, при Универзитет Св. Кирил и Методиј во Скопје. Тој специјализирал и посетувал постдипломски наставни програми во две области и тоа: - Магистер по машински науки (магистрирал на машинскиот факултет, при Универзитет Св. Кирил и Методиј во Скопје, на студиска програма Индустриско инженерство и менаџмент) и - Студиска програма за бизнис администрација - MBA Executive, (CITY Liberal Studies–Affiliated Institution of the University of Sheffield, во Солун). М-р. Ѓоко Танасоски има работно искуство повеќе од 20 години, на раководни позиции во компании специјализирани за индустриско производство и продажба (Фулда ДООЕЛ, Цимос ДООЕЛ, LTH Castings ДООЕЛ). Исто така, има работно искуство во областа на интернационални осигурителните компании (Еуролинк Осигурување АД Скопје и Кроација Осигурување АД Скопје). Како генерален директор, негова визија е да ја направи Царинската управа на Република Македонија водечка царинска администрација во регионот, која ќе биде силен поддржувач на легалната економија, целосно усогласена со стандардите на Европската Унија.